唔怪得有人要為佢哋嘅智商著急。
今日開放接種疫苗嘅「優先群組」，增至 30 歲以上人士以及 16 歲以上非在港讀書嘅學生，但觀乎疫苗預約情況，大量中心仍有超過一半以上嘅日子出現綠色，即尚有大量空位，遠遠低於其可接種嘅能力，資源未能合理善用。
如果剛開始或在疫苗缺貨時，先畀高風險群組嘅人士接種疫苗，係天經地義，係無可厚非。但到咗今時今日，已經開放三個優先組別，如果當事人本身有接種疫苗嘅迫切需要，佢哋早就有足夠時間可以去打疫苗。
而到咗呢一刻仲有咁多空位，點解政府繼續玩謝香港人咁「吱牙膏」式回應，少少少少咁開放接種疫苗嘅組別？就算分組，係咪都應該分得科學啲？
到底一個 30 歲人士，同一個 25 歲人士，感染風險有乜分別？單從年齡去睇，兩者感染機會應該差唔多，但點解一個可以打疫苗，一個又唔可以？決唔決定打疫苗係個人嘅事情，但如果有更多人自願去打，令到成個社區有群體免疫力，疫情也會有好轉嘅生機。
現在有一批人，介乎 16 至 30 歲之間，他們願意去打疫苗，卻不乎合接種疫苗的資格，實在搞不清為何要對他們設限。
不過諗深一層，而家話就話要整個「資格審查委員會」，今個臨立會年期完結前都應該成立唔切，如果九月真係舉行立法會選舉，資審會又未搞掂，咁選定唔選好？
如果再延一年，到底係咪要再次搲爛塊面，講明等到到資審會成立才舉行選舉。定係用更為惡毒嘅社會情況來當藉口，又再一次聲稱疫情未能受控，必須延期？
邊個最唔想疫情完結，大家心裡有數。
Search